تحدث المخرج المصري خالد دياب عن أحد المشهد التي جمعت الممثلين المصريين هشام ماجد ومصطفى غريب في مسلسل ""أشغال شقة"، مؤكداً أن تكرار تصويره لأكثر من مرة أدى إلى حذف المشهد.
وقال خالد دياب: "دور عربي اللي لعبه مصطفى غريب مكانش موجود على الورق، لكن هشام ماجد عنده نظرة كوميدية وفكر، وقال لازم يبقى حد موجود معايا مردات في الشغل، وكنت أنا وشيرين دياب خلصنا كتابة أول 5 حلقات. إحنا الضحك في شغلنا غير مبني على الضرب بالأقلام والإهانة، لكن قرروا في مشهد إن حمدي (هشام ماجد) يدخل على ياسمين (أسماء جلال) يلاقيها بتتصور مع فادي (أحمد عبد الوهاب) في البيت في منظر مريب، وعربي يتجاوز ويقول لحمدي ولادك دول ولاد مين، وحمدي يضربه بالقلم 4 مرات وينتهي المشهد. كان أول يوم أقابل رحمة أحمد ضيفة شرف المسلسل، والمشهد قلب معركة وأنا قدام المونيتور وكل تفكيري سعرها كام علشان أكسرها، لأن كل ما هشام يضرب مصطفى يضحك بجد، ورحمة تقع على الأرض من الضحك، وأنا أعيد مشهد أنا أصلا مش عايزه. بعد 15 إعادة اضطريت آسفا أقول أستاذ مصطفى غريب وأستاذة رحمة يطلعوا برا اللوكيشن، والمشهد اتشال من المسلسل".
حديث خالد دياب خلال حواره مع الإعلامي شريف عامر في برنامج "يحدث في مصر" المذاع عبر قناة MBC مصر.
