نشب خلافاً بين مغني الراب المصري ويجز ومغني الراب السوداني دافنشي.
فقد نشر دافنشي حالة على صفحته على أحد مواقع التواصل الإجتماعي: " مبدئيًا كده أنت ولا في أرض الواقع بتقدر تنفذ اللي بتقول هتسويه، ولا حتى عندك راب بجنيه، وصوتك زي المعزة، ولولا بكائك للبنات في الأغاني كان زمانك Ja Rule النسخة المصرية."
وأضاف دافنشي: "فأنا هقولها ليك أهو قدام الناس، لو فيك ذرة رجولة انزل رابر لرابر، لو سبب حقدك الراب، بس ما أظن الراب، لأنك ما قدرت ترد لولا واحد من اللي داسوا على كرامتك، فلو سبب حقدك نجاحي، فقل أعوذ برب الفلق، ولو عندك سبب تاني اعتبره تحميله، لولا أنك شتمت أبوي، أنا ما كان أديت شخصية زيك أي اهتمام، يعني أنت إنسان فتحت باب إنه أهلك يتشتموا، عايزني أديك قيمة، وأنا لولا ما متربي زي ماقلت كان قلت كلام كتير، وأنا قادر أقول، لكن تربيتي ما بتسمح لي، الله يعينك يا مريض."
ونشر دافنشي صورة من محادثته، تظهر ويجز وهو يصف والد دافنشي "بالرمة" كما قال له "سابك تتربى في الشارع".
وكتب دافنشي أيضاً: "احترامي للرابرز المصريين الذين لم أجد منهم إلا كل خير ولكل مصري يستحق الاحترام، وهذا الشيء لا يمثل إلا نفسه، التطاول وصل لوالدي وهنا حدث تخطي لكل الحدود الحمراء، ومن يدق الباب يجد الجواب."
وبعد الكثير من الأخذ والرد بين الجمهور المصري والسوداني كتب دافنشي:"إخواني وأبناء بلدي الكرام وإخواني المصريين المحترمين، آخر كلمة أقولها في المشكلة اللي حصلت في اليومين الفاتوا وأتمنى فكرتي تصلكم كما أقصد، أنا مشكلتي مع الشخص دا بعينه واحترامي وتقديري لكل مصري محترم رابر أو لأ، أنا عندي أصدقاء كثير من مصر ودرست معاهم وبينا كل احترام.. لذلك أرجو من الجميع سودانيين ومصريين عدم تعميم الموضوع وتبادل الشتائم، ولأن في أمهات وآباء اتشتموا بدون ذنب فأنا زي ما برضى في والدي ما برضى في والدين غيري".
