كشفت الممثلة المصرية غادة عبد الرازق أن شقيقها كان سبب موت والدها، وفي التفاصيل صرحت غادة :"كان عندنا ولد واحد هو خليل وإحنا كلنا بنات، وكان خليل مميز جدا علشان هو الولد الوحيد، ويعتبر عامل في موت أبويا، لما أبويا أصيب بجلطة أثناء مرافعته في مجلس الدولة في قضية الوفد، كان قبلها بيومين خليل خبط ولد بالعربية والولد دخل المستشفى، وخليل مش عايز يقول لبابا على مكان الولد، وفاكرة إن حصلت خناقة جامدة جدا، وبابا دخل على خليل الأوضة وضربه علشان يعرف مكان الولد، وثاني يوم في الجلسة أصيب بهبوط في الدورة الدموية ووقع".
كلام غادة عبد الرازق جاء خلال لقائها مع الإعلامية لميس الحديدي في برنامج "كلمة أخيرة" المذاع عبر قناة ON.
