كشفت المخرجة المصرية إيناس الدغيدي، عن كواليس أول عمل جمع الممثلة المصرية يسرا بالممثل المصري أحمد عز، وعن رفضها له بالبداية، وعن القبلة التي جمعت الممثلين.
وقالت إيناس الدغيدي: "اخترت أحمد عز من كاست وكان موديل إعلانات، رفضته في الأول، عشان مكنش مناسب سنّاً، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، عشان مش عايزة تتباس من أي حد، لما شافته قالتلي هو ده اللي اخترتيه؟ طب أنتي بصّيتي على سنانه؟ مش هينفع أبوسه عشان سنانه كلها سودة. المنتج كان مقتنع بأحمد عز عشان وسامته، وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع، قلتلها ده صغير، قالتلي ماليش دعوة. أحمد عز بعد الموقف ده راح اتعلّم وجالي قالي عايز أعمل فيلم، عملت به "مذكرات مراهقة"، وعز تطور جداً، ومجتهد ومركز وعنده هدف".
