وجهت الممثلة المصرية رانيا يوسف إنتقاداً شديد اللهجة للممثل المصري محمد سلام، بعد أن كان ألغى مشاركته بمسرحية بسبب أحداث غـزة، وعاد بعدها للمشاركة في مسلسل "الكبير أوي".
وقالت رانيا يوسف متحدثة عن المنشور الذي إنتقدت فيه سلام: "بتفرج علي الكبير اوييي لقيت الزميل محمد سلام بيرقص ويهزر. عايزه اساله يعني عملت مشكله وجدل علشان متروحش مسرحيه ترقص وتهزر فيها، ورحت تعمل كده في مسلسل، طيب وانت بتعمل كده مفكرتش في اهلنا في فلسطين وحتقول ايه لما تقف قدام ربنا حتقوله ايه".
وخلال مشاركتها في برنامج "تفاعلكم" مع الإعلامية سارة دندراوي عبر قناة العربية، أوضحت رانيا يوسف: "المنشور كان على صفحتي الشخصية بيني وبين أصحابي، وكان مجرد استفهام مني لمحمد سلام، في حين إنه لما اعتذر عن المسرحية كان ممكن يعمل ده بكل هدوء بعيدا عن السوشيال ميديا والجدل، وبدون ما يضع الفنانين كلهم في حرج. الجدل حول موقف محمد سلام طلعنا كلنا شكلنا مش حلو، وفي الأول والآخر ده شغلنا ومصدر رزقنا الوحيد، وإيه سبب مطالبة الفنانين فقط بوقف شغلهم وليس المهندسين أو العمال أو رجال الأعمال. لما تحصل حركة زي دي بيحصل هجوم فظيع على الفنانين، وكان ممكن أحترم موقفه أكثر لو اعتذر قبل يوم السفر لعرض المسرحية، لأن دي فلوس منتج وعمال وتذاكر سفر وفنادق ومسرح، يعني خسائر لناس كثيرة، وكان موقف غريب منه لأنه حصل بعد 21 يوم من ضرب غزة، فكان عنده فرصة أسبوع أو 10 أيام قبلها للاعتذار".
