أطلت الممثلة والراقصة المصرية نجوى فؤاد، على فراش المرض في فيديو انتشر على وسائل التواصل الإجتماعي، حيث قالت :"محدش بيسأل عليا من الفنانين ولا حتى النقيب بتاعنا، ولا سأل عليا من 6 شهور، وسألته على المعاش قالي اعتقد 600 جنيه، ملاقتش رد ارد عليه".
وذكرت أن الممثلة نبيلة عبيد تطمئن عنها دائماً وأيضاً الممثلة صفية العمري.
وتابعت :"بتمنى الرحمة من عند ربنا، وأن القائمين على الفن ياخدوا بالهم من الفنانين اللذين قدموا للفن أكثر فنانين الجيل الحالي، لأننا خدنا ملاليم وهما بياخدوا ملايين، فلازم يعملوا حساب الفروقات ويساعدوا الناس الغلابة اللي مش قادرة تجيب علبة دواء عشان تتعالج، الفنانين يروحوا فين، فريد شوقي مات معندوش حاجة، ورشدي اباظة مات ومعندوش حاجة خالص، ومديحة كامل جابت ماكينة خياطة واشتغلت عشان تعرف تعيش وتربي ابنها، وجالها جلطة في القلب وهي في سن صغير، المفروض كانت تطلع على المعاش، وكانت روحي الله يرحمها".
يذكر أن الفيديو نشرته الإعلامية سهير جودة عبر صفحتها الرسمية على أحد مواقع التواصل الإجتماعي.
