شاركت الممثلة المصرية حورية فرغلي صورة لها عبر حسابها كتبت فيها: "لو اتغير أي حاجه فيا بس لسه طيبة قلبي زي ماهي". (مع وجوه حزينة)، وتعاطف معها الجمهور بالتعليقات، وكان من بينها: "طول عمرك جميلة الجميلات ورح تضلي هيك، "انتي طول عمرك قمر يااستاذه حوريه وانا بحبك بحبك بحبك زي ما انتي يااستاذة".
وكانت حورية فرغلي قد تحدثت عن حب الممثل المصري الراحل هيثم أحمد زكي لها، وعن علاقتهما، مؤكدة أنه ظل يحبها حتى وفاته.
وقالت حورية فرغلي: "قابلت هيثم عند أستاذ خالد يوسف لما كنا بنعمل فيلم "كف القمر" وعرفت إن دوري هيكون معاه، أنا أكبر منه بـ6 سنين، كنا أصحاب في الكواليس ويوم عيد ميلاده روحنا بيته كان بيت هادي جدا، كان وحيد، كان يطلب الأكل ويسيبه بالأيام من غير ما حد يساعده في توضيب البيت، أنا بقيت بعمل كده، أنا حبيته جدا في الأول مش حب راجل لست لكن في وقت ميلت ليه. هيثم أحمد زكي كان غيور جدا، كنا بنصور مسلسل "دوران شبرا" ووالدة الفنان هاني عادل توفيت، روحت أقدم ليه التعازي في نص اللوكيشن بتكلم معاه، راح هيثم جابني من شعري في وسط اللوكيشن وضربني وشتمني، وفي الآخر قالي يا "طنط"، أنا كل اللي قاله مأثرش فيا لكن كلمة "طنط" دي كانت درس إني معرفش واحد أصغر مني ولو بيوم. أنا اتقالي والله أعلم دا حقيقي ولا لأ، أنه هيثم أتوفى وهو لسه بيحبني، لأنه حاول كتير إننا نرجع لكن كان الموضوع وصل لحته خطر".
وحديث حورية فرغلي هذا جاء خلال لقائها في برنامج "أسرار النجوم" من تقديم الإعلامية إنجي علي، عبر قناة وإذاعة "نجوم FM".