صرح الفنان المصري عصام كاريكا متحدثاً عن قصة خلافه مع الممثل المصري محمد سعد وعن أسبابها، وذلك بسبب إحدى أغاني فيلم "بوحة"، الذي غير فيه محمد سعد كلمات الأغنية بطريقة غير منطقية، وقال كاريكا أنهما لم يتعاونا سوياً منذ ذلك الحين، رغم تعاونهما في 4 أفلام سابقة، وتابع قائلاً : "حصل خلاف كبير جداً ومن ساعتها متعاملناش تاني.

. الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، واقولك برضو إني ياللي في بعدك ناسيني أؤمرني هتلاقيني تحت السلم بنام"
وأضاف: "هي كده.. دي قافية مظبوطة.. لكن وإحنا في الاستوديو.. سعد قالي لا.. نشيل (هتلاقيني تحت السلم بنام) ونخليها (سجادة بين إيديك).. فقلت له مينفعش لازم تبقى مظبوطة، قالي لا عاوزها كده وزعل وكان هيمشي".
وتابع: "كلمت المنتج وائل عبد الله.. قلت له محمد سعد بيغير الكلمات لحاجة مش فاهمها.. فقالي عشان خاطري والنبي مشيها، الفيلم واقف.. فعملناها ومشيت.. لسه زعلان لحد الآن وببقي هموت كل ما اسمعها".
وإختتم كاريكا حديثه قائلاً :"زعلت من نفسي وندمت على أغنية "حب إيه" في فيلم "اللمبي".. لو رجع بيا الزمان هرفض أعلّم جيل جديد "حب إيه" بالطريقة اللمباوية مش بطريقة أم كلثوم"، "أنا كنت صاحب الفكرة وكنت ببجح وأدافع عن الأغنية، بس بعترف دلوقت إن ده كان غلط".
وكانت تلك التصريحات خلال حواره مع الإعلامية منى الشاذلي في برنامج "معكم" على قناة ON .