تحدثت زوجة الممثل المصري بيومي فؤاد، أماني سويدان عن علاقتها بزوجها، كيف بدأت قصة حبهما.
وقال بيومي فؤاد: "أنا أكبر منها بكتير ومحضرتش أيامي وأنا طالب، لكن كنت أروح الكلية أساعد في الإخراج للفرقة المسرحية أو أخرج أو أمثل. المخرج تامر محسن والسيناريست محمد عبد الخالق كانوا طلبة في جيل بعدنا، وعملوا ورشة انضمت لها أماني، وشافوا إنها ممثلة كويسة، لكن مكملتش في التمثيل وكطالبة شاطرة وتحصل على امتياز بدأت تساعد في الديكور، وشافتني أيام المسرح".
وتحدثت الزوجة خلال استضافتهما في برنامج "صاحبة السعادة" الذي تقدمه الفنانة إسعاد يونس عبر قناة dmc: "فرقة المسرح كانت جادة جدا ومناسبة لشخصيتي وحبيت المسرح، ولما دخلت شوفت بيومي وبقى عندي فضول أستكشفه. في مرة من المرات وهو بيصلي على خشبة المسرح، ورغم إنها مش أول مرة، ومش هو الوحيد اللي بيصلي على المسرح، شعرت إنه سجد في قلبي، ولقيت نفسي بقول أنا بحب الراجل ده أوي. الخطوة التالية كانت أغرب، روحت البيت وقلت لهم في شخص اسمه كذا هيتقدم لكم، وهو مش عارف اسمي أصلا، وكانوا في انتظاره، وبعدها إتكلمنا والموضوع مشي بإيقاع سريع جدا".
