نشر إسلام رفعت الملحن والموزع إسلام رفعت فيديوهات رداً على اتهامات المنتج والموزع محمد شفيق حول سرقة الأول مذهب أغنية "كدابة"، من أغنية قدمها مؤخرا الفنان الصاعد محمود عز.
وكتب إسلام :"انا مكنتش هرد .. بس مضطر ارد لان اللي بيحصل دة قلة ادب و تطاول.
لسه جايلي تليفون دلوقت من صديق ليا بيقول اني في حد كاتب بوست اني واخد لحن اغنية حسام حبيب من اغنية لمغني انا اعرفه معرفة شخصية و اشتغلت معاه بالفعل و علاقتي بيه انه " مغني " و انا ملحن و موزع يعني واضح مين اللي بيسمع من التاني.
اولا مستحيل مستحيل مستحيل انا اللي بقول انه يكون توارد افكار او خواطر او نغمات انا مسروق بالمللي و بالهارموني حتي
هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه .. بس انا هخليها تصيب معاه انه يتشهر بأنه غير امين و معندوش ضمير نهائي.
كل الناس عارفيني كويس و عارفين شخصيتي اني عمري ما اعمل حاجه "بالخسة دي " او بالسذاجة دي !! اني اخد حاجه إبداعية في اكتر حاجه بحبها و هي الموسيقي من حد او اقتبس جملة من هنا أو من هنا و الحمد لله أعمالي كلها بتتكلم عني.
الاغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا و انا لحنت الكلام و عملت شكل ليها و بعتناها لاكتر من مطرب من ضمنهم حسام و بالفعل كانت من نصيبة و الأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو انا مصورة بأيدي من الكمبيوتر بتاعي متوثق فية تاريخ الأغنية و صوتي في الديمو .
الموزع شفيق كاتب ان اغنيتهم نازلة يوم ١٨/١ و حسام حبيب منزل خبر اغنية كدابة من يوم ٨/١ تقريبا ف اللي هو ازاي يعني!!! و اي حد يقدر يعمل سيرش علي جوجل و يتأكد من صحة كلامي.
اخر حاجه عايز اقولها اني معايا كل ما يثبت ان اللحن بتاعي من مستندات و اني هتخذ كل الإجراءات القانونية مع أي حد جاب سيرتي او اتكلم عليا بشكل مسئ و حاول ينط و عايز يتشهر ."
