دافع الممثل ومقدم البرامج اللبناني وسام حنا بشراسة، عن الفنانة اللبنانية ماجدة الرومي، بعد حملة الهجوم التي تعرضت لها.
وشارك وسام حنا مقطع فيديو لـ ماجدة وهي تتحدث، وعلق: "كنتِ ورح تبقي وجه لبنان الحلو من هلق لبكرا لبعيد.
اسمك وصوتك وكلمتك هني الوطن التعبان، المجروح، هني لبنان القيامة لجاية. حملي وجع هالبلد وصلّي وغنّي ووصلي صوتك لآخر الدني، اوعى تخافي، اوعى تتراجعي. ما اشطرهم لما يجتزؤا كلامك".
وكانت تعرضت ماجدة لهجوم واسع، بعد أن قالت خلال حفلها في الإمارات: "اشتقنا لـ أبو ظبي الحلوة اللي كلشي فيها بيضحكلنا وبيستقبلنا بالإعمار والخضار اللي بيمجد الله وبيكبر القلب، الله يديمها على هالأرض الطيبة بركة ونعمة، جايين من لبنان، مطرح ما عم نعيش أبشع كوابيسنا بسبب الإجرام المقترَف في حقنا من قبل من يلي اسمهم منّا وفينا وهم مش هيك، ما فينا إلا ما نتوقف أمام الإنجازات اللي عم نشوفها كيف ما مشينا في هذا البلد الحبيب، منشوف بعيونا كيف العظماء بيعملوا الجنة على الأرض".
وسألت ماجدة الحضور: "هل يوجد لبنانيون؟ بمسي عليكم، وبقولكم نحن في انتظاركم هذا الصيف، لا يزال بلدنا جميلاً ولا زلنا نحبه، ولا يزال جنة ورح يبقى.. مهما عملوا فينا ومهما أجرموا تأكدوا أنّ الكلمة الأخيرة لربنا ولبنان لديه رب".
