صرح الممثل المصري عادل الفار بأنه ندم على الإعلان عن إدمان ابنه الراحل شادي على المخدرات، وذلك بسبب الاستياء الذي كان يشعر به تجاه نجله.
وقال عادل الفار: "وفاة ابني كانت خبر مؤلم جدا، كان تعبان جدا ورافض يروح المستشفى، وفي الفترة دي كنت زعلان منه، لإنه كان مش بيسمع كلامي وبيشرب سجاير كتير" .
وأضاف: "تأثرت جدا لإني مسلمتش عليه قبل ما يموت، وكان حبيبي وغالي وغاوي فن، وكل ما تيجي على بالي آخر صورة شوفته فيها أبقى عايز أبكي".
وتابع: "طبعا زعلت إني أعلنت عن إدماته، لكن هو فعلا الله يرحمه ويحسن إليه ويسامحه كان دخل في المخدرات وفقدت السيطرة عليه، وكان عنده كذا قضية ومستقبله راح".
وكانت هذه التصريحات خلال حواره مع الإعلامي عمرو الليثي في برنامج "واحد من الناس" المذاع عبر قناة الحياة .
تُوفِي شادي، نجل الممثل عادل الفار، وهو شاب في الثلاثين من عمره، بشكل مفاجئ شباط 2022، بعدما تعرض لأزمة صحية نقل على إثرها إلى المستشفى.
وكان آخر ما كتبه شادي الفار على حسابه : "هو فيه إيه الدنيا جرا فيها ايه، هو انا عايش ولا مت ودخلت النار، حد يرد عليا حد يفهمني من بعد الحب والود والعيش والملح وطبعا الأهم المصالح الطالعة وقتها، انما دلوقتي الوقت اللي محتاج فيه لكل الناس بيطلعوا فجروا أول مايشفوني وعجبي الصاحب لما يبيع صاحبه ويحلقله".
