أحدثت الممثلة المصرية وفاء عامر جدلاً بتصريحها حول طريقة تعاملها مع زوجها، وقالت: "بغسل رجل زوجي لما بيرجع من بره البيت، وهو مبيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب ومبيقبلش إن حد يجرحني ولا حد ياخد علي حقي ولا يدوس على كرامتي ولا حد يقلل من قيمتي، مفيش مشكلة أغسله رجله".
وتابعت خلال حلولها ضيفة على برنامج "القاهرة اليوم": "الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها".
وأكملت: "بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقوا واقفين في ضهرها".
وأضافت: "كل الأديان السماوية حثت المرأة على طاعة زوجها في حدود الأخلاق والمعاملة الطيبة، بعيدا عن الندية والجدال والخلافات والمشاكل"
