تحدث الفنان المصري تامر حسني عن إصابته بمشكلة صحية، اذ بسبب شعوره بالاكتئاب والحزن على الشعب الفلسطيني، يعاني من "طنين الأذن".
وأوضح تامر في منشور تفاصيل طريقة علاج "طنين الأذن" من دون استخدام الأدوية وكتب : "صباح الخير معلش هو موضوع بره الاحداث اللي بنعيشها شويه بس مرتبط ارتباط نفسي .. الفتره دي زادت الشكوه عند ناس كتير بسبب الاكتئاب و الحزن من الاحداث الحاليه او غيرها و الحقيقه اني واحد منهم الاكتئاب ده ممكن يبقى سبب في حاجه اسمها (( طنين الاذن )) و ممكن تيجي برضو من حاجات تانيه و التعب ده هو ان الشخص فجأه يسمع صفاره او ما يشبه في اذنه طول الوقت و مش بتروح ابداً و ملهاش علاج و ناس بقالها سنين كتير بتعاني منه و عايشين بيها .."
وتابع : "الحقيقه الڤيديو ده ممكن يبقى سبب في علاج ناس كتير ان شاء الله .. ارجوكم ارجوكم ابعتوه لكل الناس عشان ممكن حد من حبايبكم يكون عنده و انت متعرفش ده غير طبعاً اهالينا في غزه الله يكون في عونهم من كده و اكتر : …"
وأضاف : "هي طريقه علاجيه سهله هتتعمل زي ما في الڤيديو ممكن تخفوا من اول مره و ممكن تكرروا الطريقه دي ٨ مرات لو بتتحسن كرره كل يوم لحد ما تخف تماماً و لو جسمك مستجابش للطريقه دي خد الحل التاني ادويه ڤيتامين zinc و milga و مع الوقت هيتحسن ان شاء الله …اللي خلاني اكتب عنه ان بعض الدكاتره بيصنفوه انه مالوش علاج و على المريض انه يتعايش معاه طول عمره و الطريقه دي بالفعل جابت نتيجه عظيمه الحمدلله .. يبقى حرام عليا لو منشرتوش …طبعاً كل واحد يرجع لدكتوره لو حابب و ربنا يشفي الجميع .. و يحفظ غزه و اهل غزه و برضو هفضل ادعي و اقول معجزه من عندك يارب"