انتقد الكاتب المصري عبد الرحيم كمال الأشخاص الذين يطالبون الجيش المصري بالدخول في حرب ضد إسرائيل.
وكتب عبد الرحيم كمال قائلاً: "أنا مش فاهم اللي بيتكلموا نيابة عن الشعب المصري دول مين؟، وإيه صفتهم؟، كل واحد قدامه كاميرا وميكروفون وعمال يفتي ويتكلم باسم مصر إزاي".
وأضاف كمال: "ومين سمحله بكدة، ومين قال مصر تحارب، ومين قال أهل غز ة ياخدوا سينا، ومين قال الكلام ده، بس الرجالة قالت إن المقاومة شئ عظيم، وأهل الشرف قالوا إن الكيان عدو حقير وهيفضل عدو ليوم الدين".
وتابع: "والحرب مش جيوش وسلاح وشهداء بس، الحرب ليها طرق كتيرة اوي اوي اوي أولها الدبلوماسي عادي واللعب من تحت لتحت ومن تحت لفوق ومن فوق لتحت".
وشدد عبد الرحيم على أن مصر لها قيادة عظيمة، قائلاً: "فبلاش الجبن والوقاحة وقلة الحيلة تدفع أصحاب المصالح والمغرضين إنهم يتكلموا باسم مصر، مصر لها قيادة عظيمة محترمة نثق فيها، وليها شعب واعي عظيم وهما الاتنين القيادة والشعب من بعض ومع بعض وفاهمين بعض، وأي حد برة الفهم ده احذروه واقفلوا ودانكم عنه".
