تحدثت الممثلة المصرية شيرين رضا عن علاقة والديها، وقصة حبهما، كما أكدت أنها تعلمت كل شيء من والدتها بسبب إنشغال والدها بشكل دائم.
وقالت شيرين رضا: "ماما علمتني كل حاجة، إتعلمت منها احترم مواعيدي وكلمتي، وأكلم الناس بذوق، واتعلمت منها العصبية وحب الحيوانات".
وعن لقاء والديها أخبرت: "ماما كانت باليرينا وبترقص في الأوبرا، وكانت فرقتها بتسافر بلاد كتير ومنها مصر، وأعتقد اتفرجوا على عرض لفرقة رضا وإتعرفت على بابا".
وكانت شيرين رضا قد تحدثت أيضاً عن ملامحها الاوروبية مؤكدة أنها لا تشعر بالتميز بسببها.
وقالت شيرين رضا أن السيدة الجميلة تحظى بمعاملة خاصة، مهما كانت ألوانها: "أعتقد السبب مش ألواني، لكن الناس دايما بتعامل الست الحلوة معاملة خاصة، الناس هي اللي بتشوفني، لكن أنا لازم أبص في المراية علشان أشوف إني شقرا وعينيا زرقا".
وعن سر جمالها قالت شيرين رضا: "الأكل، وتاخد بالك من صحتك وتنام كويس. الست لازم تاخد بالها من صحتها، ننام ونصحى بدري، علشان الشمس تدينا فيتامين د وده مهم للأعصاب، وإحنا زي العربية محتاجة بنزين وصيانة كل شوية".