كشف الممثل المصري محمد سلام عبر حسابه الخاص عن عدم مشاركته بمسرحيته الجديدة "زواج اصطناعي" في موسم الرياض، يوم 30 أكتوبر/تشرين الأول 2023، في المملكة العربية السعودية، وذلك كمساندة منه للشعب الفلسطيني.
وقال سلام: "أنا مش متخيل الصراحة إني هاروح واعمل مسرحية وأهزر وأغني وأرقص واخواتنا في فلسطين عمالين يتقتلوا ويندبحوا ومفيش حاجة بتحصلهم، أنا مش هقدر أسافر طبعاً، وأنا بقول الكلام ده في آخر لحظة، لأني كنت على أمل طول الفترة اللي فاتت دي، خصوصاً لما حصل تصاعُد في الأحداث، إن الموسم يتلغي أو يتأجل، زي ما حصل في مهرجان الجونة ومهرجان القاهرة، أو يحصل إن الموضوع يهدأ في فلسطين والناس تتدخل ونقدر نعرض".
وأضاف: "مفيش حاجة بتحصل، لحد اللحظة اللي بتكلم فيها دلوقتي في ناس عمالة تموت ومفيش حاجة بتحصل، فأنا إزاي هروح أعرض والناس بيحصل فيهم كده في فلسطين، وأنا حاسس لو عملت كدة كأني نفس اللي بيقتلهم بالضبط، يعني إني خذلتهم، مش عارف أعملهم حاجة، كفاية علينا السكوت اللي إحنا فيه كلنا، ومفيش حد بيعمل لهم حاجة، فأنا مش هبقى كمان ساكت، هبقى كمان بهزر وأغني وأرقص، فأنا باعتذر عن عدم المشاركة في موسم الرياض".