ناشدت الممثلة المصرية هيدي كرم الجمهور التوقف عن حملات التنمر على المشاهير، والتوجه إليهم بكلام غير لائق بفيدي شديد اللهجة شاركته للجمهور عبر حسابها الخاص.
وقالت هيدي: "إحنا اتهرينا والله كمشاهير، بتكلم بصراحة بالنيابة عن مشاهير، وخاصة ستات زيي، اتهرينا من الشتيمة والتهزيق وقلة القيمة والإرهاب على السوشيال ميديا، وإنكم بتحسسونا إننا مانسواش.. واتهرينا من إننا نتشتم ونتهان ونتهزق.
اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية، وأي حاجة حلوة أو وحشة مش نافع، متهزقين ووحشين ومشتومين، صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص. أرجوكم ورجاء محبة بالراحة على أخواتكم الفنانين المبدعين الطيبين الحلوين اللي بيعملوا لكم حاجات حلوة".
