إستذكرت الممثلة اللبنانية ريان حركة والدها الذي توفي منذ ثلاثة أشهر، بمقطع فيديو يجمعهما عبر حسابها الخاص، وظهرت ريان وهي تقضي وقتاً جميلاً مع والدها، وعلقت على المنشور بكلمات من الإشتياق، حيث قالت: "صباح الخير بابا، اليوم بصرلك ٩٠ يوم غايب عنا.
٣ اشهر. الوجع بعدو والزعل هوي بذاتو والشوق اكتر. بس الفرق انو انا هلق مش عم ببكي كل يوم، و صرت اقوى شوي كرمالك، مش انت هيك بتكون مبسوط؟ انا رح ارجع ريان اللي عم تضحك و تمزح ، لاني بشبهك و بحب الحياة متلك. رح خفّف لبس الاسود، و رح صير نزّل صوري و شغلي و مسلسلاتي و شارك الناس اللي بحبوني شو عم بعمل ب حياتي، لانو لازم نكفّي. رح جرب كون كرمالك نسخة افضل من اللي كنتا من ٩٠ يوم لورا. انشالله تكون فخور فيي يا عمري، يا مهضوم انت، يا سندي و اماني و روحي. اشتقت تضحكنا كتير، اشتقت اتطلع فيك هيك كاني عم شوف الكون كلو قدامي ..الله يرحمك انتبه علينا من فوق".
