خرجت الممثلة اللبنانية كارمن لبس عن صمتها إزاء مشهد في مقطع فيديو متداول يظهر رجلاً وهو يعنّف طفلاً لأنه كان يعبث بمستوعب النفايات بغرض التفتيش عن عبوات بلاستيك وحديد وغيرها وعادة ما يسمّى هؤلاء بـ "النكّاشين".
وعبّرت كارمن عن غضبها الجديد ورفضها أي نوع من أنواع العنف ضد هؤلاء باسم الإنسانية على الرغم من أنهم قد يشوهون المنظر العام ويتسببون في بعثرة النفايات.
وتوجهت كارمن إلى متابعيها في مقطع فيديو قالت :"أنا شفت رجال ضخم عم يعنّف ولد زغير بمعزل مين هوي ما بعرف شو جنسيتو ما بعرف شو طايفتو يمكن يكون لبناني، فيه كتير لبنانيي عم يشتغلو بالزبالة، إنتو دغري حكمتو عليه إنو سوري ولازم يتعنّف؟ إنو يا إما أنا يكون مع تعنيف النازح وضربو ليفل من هون يا إما أنا بكون خاينة للوطن!".
أضافت كارمن في الفيديو :"أزمة الزبالة يا جماعة من الـ 2005 ، نزلنا وتصورنا عالزبالة، أديش نحنا مهتمين بالنضافة، عم تحكوني عن النضافة، أنا بشوفكن كيف بتشولحو بالزبالة ما حدا بينزل من سيارتو ليحطا بالمستوعب، بتكبوها كب، والزبالة رح ترجعلكن، إنو شو، إنو إذا بدي النازح يرجع لبلدو لازم إضربو وعنّفو يعني؟ وين عقلكن وين إنسانيتكن؟، عم إحكي بشكل إنساني إنو يا جماعة خافوا ربكن، ربكن قلكن اضربوا واقتلوا وعنفوا ولد زغير؟ العنف ما بيولد إلا العنف، هيدا كل اللي كنت عم إحكيه، لا بدي أعمل ترند ولا شي، ما بعرف! أفففف!".
وتجاوب معها العديد من المتابعين الذين أشادوا بما قالته مؤكدين أن هذا التصرف في ضرب هذا الطفل مهما كانت الأسباب غير مقبول.
يه إن العنف لا يولد إلا العنف،
