بعد الجدل الذي رافق خبر إعتذار الفنان اللبناني وائل كفوري عن تسلم جائزة الموريكس دور، ما أدى إلى إنتقال الجائزة للفنان اللبناني زياد برجي، طالب زياد برجي إدارة الموريكس بتوضيح، وذلك عبر بيان.
وجاء في نص البيان: "وصلني اليوم مقال انو جائزة افضل فنان لبناني من الموريكس دور كانت للفنان وائل كفوري واعتذر عن الحضور، فقرروا يعطوني ياها. ومع احترامي الكبير للفنان النجم وائل كفوري يلي انا شايفو افضل فنان بالعالم مش بس بلبنان. النقاط يلي بدي ضوي عليها :أنا أطالب ادارة الموريكس دور برد علني على هيدا الحديث العلني يلي بمس كرامتي وكرامة وائل كفوري وكرامة موريكس دور، وتوضيح كمان علني هل هيدي جائزة بياخدا يلي بيحضر او يلي بيعمل انجازات أكتر؟
إذا كان الإختيار هو الأول فأنا بعلن من هلق انو ما رح كون من الحاضرين، وإذا كان الإختيار التاني يعني نتيجة إنجازات وتعب وجهد وحضور ونجاح متواصل وسهر الشي يلي كنا عم نعملو كل الوقت وما رح نوقف نعملو، فبتمنى إنو يكون في تأكيد على هالنظرية من إدراة موريكس دور.
بإختصار.. أنا مش بديل لحدا".
