صرحت الممثلة المصرية شيرين :"مرة كنا بنصور في مكتب في المهندسين ونزلنا قدام نادي الصيد تمهيدا للانتقال إلى مكان تصوير مختلف، والأستاذ سعد أردش طلب من مساعد المخرج ماهر شفيق يحضر للتصوير الساعة 3 لأن عنده مشهد واحد معايا، والمشهد مش هيستغرق وقت طويل، وهو عنده محاضرات في المعهد، مساعد المخرج اعترض بحجة إن اليوم هيتبهدل، وحاولت أشرح له إني عندي 24 مشهد في نفس اليوم وموجودة من الصبح، والأستاذ له رجاء يتأخر بسبب محاضراته، لقيت المخرج بيقول إنت خلاص بقيتي فاتن حمامة، الشغلانة باظت، وشتم أبويا المتوفي".
وتابعت شيرين: "قلعت فردة الجزمة وجريت ورا المخرج في الشارع، ومدير الإنتاج جري ورايا ومسكني جامد فعضيته وكملت جري ورا المخرج، وكان شرطي علشان أكمل التصوير المخرج مايتكلمش معايا ولا كلمة، وأي ملاحظة خاصة بمشاهدي يقولها لمساعد المخرج".
كلام شيرين جاء في الجزء الثاني من لقائها مع الإعلامي عمرو الليثي، ببرنامج "واحد من الناس" المذاع عبر قناة الحياة.
