علق جيلبير قرعان، خطيب الضحية سحر فارس، التي توفيت في إنفجار مرفأ بيروت في 4 آب/أغسطس عام 2020، على الإنتقادات التي طالته بعد اعلان ارتباطه بالشابة جيني شحادة.
فقال جيلبير في فيديو: "انتو ما عشتوا اللي أنا عشتو، وانشالله ما بتعيشوه، لل 20 بالمية الكارهين وللعالم اللي في بدل دماغها تبن الله يجربكون .. فشر عرقبتكن تدمروني، يلعن عرضكم بتفتحوا الإنستاغرام عندي بتقولوا جيلبير هو سبب إفلاس لبنان".
ومن بين ما قاله متوجهاً للمنتقدين: "من أنتم؟ شو عاملين بحياتكن، شو تاريخكن؟ حاج بقى تعملولي سيناريوهات براسكن أهلي هودي مش بيت عمي، فسدوا بوازكن وقطبوا".
الشابة التي ارتبط بها جيلبير هي جيني شحادة، التي فقدت خطيبها مروان كفوري، في العام ٢٠٢١ بحادث سير.
جيني نشرت صورة تجمعهما وكتبت: "الحياة قسيت علينا كتير، حملتنا وجع ما منستحقّوا بعزّ شبابنا، وجع قاسي كتير وما بينتسى أبداً لو قد ما قطع وقت، تحمّلنا كتير مشاكل بحياتنا، ولأن الحياة بدا تكفّي رغم الحزن والفرح، كل واحد منّا كان بيتمنّى ما يصير لي صار، ولا حدا منّا يخسر شريك حياتو، بس بعد الوجع والبكي والحرقة لازم نبني حياتنا، بعرف أكتر وحدة قديش نوجعت وبكيت وكنت معك بكلشي، بس رغم هيك إنت بنظري بطل، سند ورفيق وحبيب، إنت يلي زرعت فيّي القوة من أول وجديد بعزّ وجعنا، نحنا بيحقلنا نضحك وننبسط ونعيش لأن بتلبقلنا الحياة، الله يعطينا إيام حلوة سوا، والأهم من هيدا كلّو في عنّا ملاكين بالسما مروان وسحر مبسوطين فينا وحامينّا، ومعنا بكل التفاصيل، وللأبد معنا وبقلبنا".
جيني كانت قد حصلت على لقب الوصيفة الأولى لملكة جمال آسيا لبنان عام 2023، كما أنها لاقت لقب ملكة جمال الأناقة عام 2017.
