تحدثت الممثلة المصرية نشوى مصطفى عن ذكرياتها أثناء فترة الطفولة والمراهقة وكشفت عن مواقف مرت بها في الصغر، وقالت نشوى : "عشت مراحل صعبة ماديا لأن ابويا كان سواق في المصانع الحربية ومرتبة قليل وعمرى ما شوفت امي متزمرة أو مضايقة على اد مرتب ابويا كانت امي بتمشي الدنيا وامي كانت بتفصل وكنا بنلبس حلو بسببها "
وأضافت "أنا ابويا كان بيصحى 5 الصبح علشان يقف في طابور الجمعية وكان بيجيب اللحمة ب68 قرش، أنا اتعلمت في بيتنا اني اكون شبعانة"
وتابعت "رغم كدة كان عندي القوة اني اقف في الجامعة وانا جايبة مفردات مرتب والدي وكنت بقف علشان اخد الكتب مجانا أو بنص الثمن وكلنا كنا شبه بعض ودة مش عيب وكنا بناكل اللحمة مرة في الأسبوع"
يذكر أن نشوى مصطفى شاركت في فيلم "شاومينغ" مع بيومي فؤاد، صلاح عبدالله، أحمد سلطان، توني ماهر وغيرهم نخبة من النجوم، والفيلم من تأليف أشرف حسني ومن إخراج شادي أبو شادي وتدور أحداث الفيلم قصص مجموعة من الشباب في مرحلة الثانوية العامة حيث يظهر الغش الإلكتروني بشكل كبير.

بسبب "سيلفي".. حمو بيكا يدخل في مشادة مع ثلاثة شبان