كشفت الممثلة السورية جومانا مراد عن أهمية الدراما المصرية وما تقدمه من أعمال مؤثرة ومشاركتها فى عديد من الأعمال التي لها تأثير كبير على المجتمع.
وقالت جومانا مراد : "سعيدة بما حققته الدراما المصرية فى الفترة الأخيرة من تطور كبير وفكرة إقامة مهرجان القاهرة للدراما امر إيجابي أيضا، وبقالي 16 أو 18 سنة بشارك في الدراما المصرية وليا تاريخ فيها، دايمًا بقول كلنا اتربينا على الدراما المصرية التى تفرض نفسها بقوة وهي الأساسية اللي نشأنا عليها ومبسوطة بالتنوع والتطور اللي بيحصل فيها دلوقتي، وتقنية تصوير المسلسلات بقيت سينمائية واختلفت عن دراما زمان ويمكن بقى فيه جرأة في الطرح ومنصات ومحطات أكتر بتبسط بالنجاح ده وبكل ما فيه محطات ومنصات أكتر وتبقى الحركة الفنية كبيرة من كتاب وممثلين ده كله بيساهم في إثراء الدراما".
ومن ناحية اخرى كانت جومانا قد تحدثت الممثلة السورية جومانا مراد عن دورها في مسلسل "بابا المجال" وشخصية "مراسي" المرأة الشعبية، التي تؤديها.
وقالت جومانا مراد: "شخصية مراسي أثرت عليا كنت طول الوقت في البيت بردح وبقول أمثال وجوزي يبصلي أنا بعمل إيه، الأمثال دي علمت جدا مع الناس. الجمهور قال إني قدمت دور من أحلى الأدوار، كان تحدي كبير بالنسبالي إني أقدم مسلسلين في رمضان وأنا عمري ما عملت كده، وقدمت دور صعيدية ودور امرأة شعبية، كنت بصور في نفس الوقت كان الموضوع صعب، "بابا المجال" فكرني بفيلم "كباريه" كل الممثلين أبطال وكل واحد دوره مكتوب حلو من الأول للآخر. نجوم كتير كانوا مشاركين في المسلسل، وأغلبهم أصدقائي من زمان، المسلسل كان من أصعب المسلسلات كان ممكن يبقى في 14 ممثل في المشهد الواحد والمفروض تثبت نفسك كان مباراة في التمثيل".
