تحدثت الممثلة المصرية رنا رئيس عن عائلتها، وأكدت على حبها للعائلة الكبيرة، حيث أن عائلتهم تضم 9 إخوة وأخوات.
وقالت رنا رئيس: "إحنا 9 إخوات، 6 ولاد و3 بنات، وعندي نوتة دايما كاتبة فيها الأسماء. إحنا ممشيين كل حاجة بالعدل، 3 إخوات من نفس الأم والأب، و3 من بابا وهو متوفي، و3 هما الـ step، وأنا ترتيبي بين الثلاثة في النص، الترتيب المهزأ اللي ملوش أي كلمة. ماما مش بتفرق بينا إحنا التلاتة لأنها صاحبتنا أوي، وجوز مامتي صاحبنا جدا، وبيعاملونا كلنا نفس المعاملة. عندي 3 إخوات صغيرين عمرهم 9 سنين و5 سنين و3 سنين، وأخين عندهم نفس العمر 19 سنة، وربنا كرمنا بجوز ماما وهو أب لينا كلنا. والدتي مكانش لها دور في دخولي الوسط، لكن بمجرد ما لقت جوايا ممثلة بقت داعمة جدا. في الأول مكانتش شايفة موهبتي، ويمكن أختي شافتها أكثر، ولما بدأت أمثل وأمي وافقت وحست إني مش ممكن أتنازل عن حلمي دعمتني جدا".
