تحدث الممثل المصري خالد محمود عن فكرة امتلاكه لروحانيات: "الروحانيات دي قعدت معايا فترة من الزمن وقعدت تكبر وتزيد وتطور لحد ما خوفت وعلى طول افتكرت لو علمتم الغيب لاخترتم الواقع، هي كانت خاصة بالناس اللي قدامي علشان تبقي بس واضحة عند الناس لأن ممكن متبقاش واضحة للي معاشهاش".
وأضاف: "كنت مثلا لو قاعد معاكي متعرفيش تكدبي عليا وبتظهرلي الصورة الحقيقية اللي حصلت بالظبط، وأنا قاعد مثلا في البيت سرحان أبص الاقي حد منأصدقائي جاب حاجة أشوف شكل الحاجة اتصل بيه يقولي عرفت منين أقولوا مبروك وربنا يباركلك وخلاص".
وتابع: "كنت لو إنتي بتتكلمي وسرحتي أعرف بتفكري في أي ودي الحاجة اللي زعلان أنها راحت مني، إني أعرف الشخص اللي بيكدب عليا أو أعرف لو سرحتي إيه الحاجة اللي سرحتي فيها، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده".
