نشر الفنان المصري رامي جمال صورة له من أحدث ظهور عبر موقع التواصل الإجتماعي، وعلق على الصورة قائلا: "الفترة اللي فاتت كانت فتره مش سهله عليا خلتني شویه محتاج افصل لوقت محتاج ادور ايه ناقصني ك شخص علشان اكون افضل ايه ناقصني ك فنان علشان اكون افضل الفتره اللي جايه مفيش فيها غير اجتهاد وتركيز وبس .
... كلمه اخيرة لجمهوري الغالي شكرا علي دعمكم من اول اغنيه نزلت ولحد الاغنيه اللي فاتت واللي جي بامر الله زي ما حلمت واتمنيت بحبكم جدا".
وأكد الفنان والملحن رامي جمال، أن لديه مشكلة لها علاقة بالإنجاب، معقبا: "كان نفسي يكون عندي أطفال وربنا يباركفي كل اللي ربنا رزقهم، وأولاد اخواتي هم أولادي وبحبهم من قلبي، ومش بفكر في الموضوع زي الأول، ولكن كل همي زوجتي لأنها لا تعاني من عدم الإنجاب".
وقال جمال: "قلت لزوجتي ناريمان، إحنا عايشين مرة واحده مفيش وقت تعملي جدعة، وتضيعي حلم الأمومة، الراجل ممكن يعيش عادي، لكن الست اتخلقت عندها غريزة الأمومة رقم 1، وعمري ما هشوفك قليلة الأصل لو مشيتي"، فكان ردها: «كل أنواع الرزق بتيجي لكل شخص لوحده إلا الخلفة ده رزق مربوط بالاتنين، لو مكتوب لي أخلف فاهخلف منك ابن، ولو مش مكتوب لي واتجوزت من شخص آخر ممكن ما خلفش بس هكون خسرت الإنسان اللي بحبه".
