تحدثت الممثلة والراقصة المعتزلة نجوى فؤاد عن انتشار الراقصات الروسيات في مصر وخصوصاً في الساحل الشمالي، وقالت :"للأسف الراقصات الروسيات بوظوا المصريات، إحنا لنا تقاليدنا وديننا وطريقتنا وطابعنا".
وأضافت :"الرقص الشرقي انقرض في مصر، الروسيات بترقص بشكل تدريبي، بدون إحساس من الداخل، أو تقديم الطابع الشرقي"، وأكملت: "معنديش مشكلة ياكلوا عيش ويشتغلوا، لكنهم بياخدوا أرقام فلكية والعري زيادة عن اللزوم، لازم يكون في رقابة، ده مينفعش لأنهم بيسافروا مهرجانات وبيروحوا أفراح عائلات فيها أطفال ومراهقين ميصحش ده يبان ليهم.. كله عريان ده إحنا مسلمين ولنا احترامنا"، مشيرة إلى أن الاحتشام ضروروة وقالت :"وربنا قال احتشموا، الواحدة لما تحتشم في اللبس العادي الناس تحترمها، لكن لو محتشمتش تبقى رخيصة وإنسانة أقل من عادية".
وعن بعض الأماكن الموجودة في الساحل الشمالي بأنها تحولت إلى "كباريه درجة ثالثة"، مضيفة: "بلاش نعمم على الكباريهات كلها لأن فيه كباريهات محترمة".
وأكدت نجوى فؤاد أنها اعتزلت الرقص الشرقي منذ 16 عام وأنها لم تعاصر تحية كاريوكا وسامية جمال، إلا في أواخر مسيرتهما، وكانت تحترم رقص نعيمة عاكف، وكانت تسير على نفس مناهجهن.
كلام نجوى فؤاد جاء خلال مداخلة هاتفية لـ برنامج "حضرة المواطن"، الذي يقدمه الإعلامي سيد علي في قناة "الحدث اليوم".
