بعد القرار الذي صدر عن وزير الاعلام زياد مكاري صباح اليوم، والذي يقضي بإقفال الشاشة الوطنية أي تلفزيون لبنان جراء اضراب الموظفين، شاركت الممثلة اللبنانية ورد الخال صورة من إحدى مشاركاتها بأعمال ماضية على شاشة تلفزيون لبنان، وعلقت عليها كاتبة: "يا ريت الاشياء اللي مش حلوة يكون الها نهاية .
. مش العكس دايماً..
…كتار من النجوم (اذا مش كلهن) اللي من جيلي، كانت بداياتهن بفترة نهضة تلفزيون لبنان من بعد الحرب..
وانطلقنا (١٩٩٥) .. كتبوا مثلاً ع غوغل "العاصفة تهب مرتين " وشوفوا كل اللي طلّوا ع هالشاشة ،
ومن بعدها كرّت السبحة
…كيف يعني قطعة من وعينا بدها تغيب ؟!
كبرنا ع عظماء حفروا ابداعاتهن وأسسوا لأجيال من خلال هالشاشة الرائدة بالوطن العربي ، أثروا فينا لدرجة طمحنا نصير متلهن او نمشي ع خطاهن
انو هيك ؟ بتقرروا تسكروها يا بلا مسؤولية ؟
بس للاسف حتى ثقافتنا وفننا ما الهن قيمة بالنسبة لللي نهبوا الوطن،
جشع ؟ بخل؟
ليش ما نقول كمان جهل وقلّة ضمير ..
الإجرام اليوم بحق تلفزيون لبنان
مش مقبول متلو متل كل جريمة ومدبحة عم ترتكبوها بحق هالبلد
! الله لا يسامحكن".
