أكدت الممثلة المصرية إيمي زكريا، ابنة الممثل الراحل طلعت زكريا، أنها اتخذت الإجراءات القانونية ضد إحدى صفحات مواقع التواصل الاجتماعي، التي نشرت فيديو استخدمت خلاله صوت والدها الراحل طلعت زكريا بتقنية الذكاء الإصطناعي، حيث قالت إنه توفي قتلاً على يد أحد الفنانين.
وفي التفاصيل، قالت إيمي: "تقدّمت ببلاغ الى مباحث الإنترنت وعملت محضر وأخدت رقمه، وماشية في إجراءات مقاضاة الصفحات اللي بتطلّع شائعات"، مضيفة: "أول مرة يطلع شائعات بالشكل السخيف ده، وتريند الذكاء الإصطناعي بقى سخيف جداً وبيتكلموا في حاجات مينفعش يتكلموا فيها، وطبيعي لما أشوف فيديو زي ده لازم آخد إجراء بطريقة أسرع، والمحضر هيكون في النيابة قريب".
هذا وكشفت إيمي طلعت زكريا أن عدداً من أبناء الفنانين تقدّموا ببلاغات ضد مروّجي الشائعات، قائلةً: "مش أنا لوحدي اللي قدّمت بلاغ، فيه عدد كبير من أبناء الفنانين قدّموا بلاغات، وإن شاء الله مش هنسكت على الموضوع ده المرة دي، لأنه بقى صعب وسخيف والتشهير بقى كتير".
