رحل الممثل اللبناني القدير عبدو نمري الملقب بـ"شرنو" في مثل هذا اليوم من عام 1999، أي قبل 24 عاماً.
وكان لرحيله وقع صادم خصوصاً على ابنته الممثلة اللبنانية ليليان نمري، التي استذكرته اليوم في ذكرى وفاته بكثير من الحرقة ناشرة صورة له وأخرى له ولوالدتها الممثلة اللبنانية الراحلة علياء نمري وكتبت :"متل وج الفجر اليوم يا بيي فليت من هالدني من ٢٤ سنة كأنو مبارح بكل تفاصيلو".
أضافت ليليان: "كان بعد بكير يا بيي ، انشّقت الارض فيي لمن شب من الصليب الاحمر قلي : عطاكي عمرو بس مين قلو كان بدي يعطيني عمرو ؟ للحظة هيك فكرت ، بس قلت لتكُن مشيئتك يا رب، يمكن عطيتني عمرك الباقي ، بس لَبين ما يخلَص هالعمر بقلك اكيد رح نرجع نلتقي وخبرك شو صار بغيبتك وشو صار بلبنان اللي كان عندك ياه بعد الله و ولادك ، لبنان إللي ما قبلت تتركو لإخر دقيقة من عمرك تركت عروضات الدني وما تركت لبنان ، فعلاً * ومن الحب ما قتل * وقتلنا".
وختمت: "الله يرحمك ويرحم إمي وكل امواتنا عبد المسيح نمري المُلقب بـ شرنو ٦\٨\١٩٢٦ / ٢\٨\١٩٩٩".
