نشر الفنان المصري رامي جمال صورة له على حساباته الخاصة موجهاً سؤالاً لمتابعيه ، ومعلقاً: "لو تحبوا أعمل دويتو ويبقى لايق قوي، يبقى مع مين؟ راجل أو ست".
وانهالت عليه التعليقات، وطالبه معظم المتابعين بديو غنائي يجمعه بمواطنه المصري الفنان تامر عاشور، وجاءت التعليقات كالتالي: "نفسي أسمع حاجة بصوتك إنت وتامر عاشور"، "ياريت تامر عاشور"، "إنت وتامر عاشور هتكون أحلى كآبة في الدنيا".
وعبر رامي جمال عن حبه الشديد وعن علاقة الصداقة الوطيدة التي تجمعه بتامر عاشور في تصريحات تليفزيونية سابقة.
وكان رامي جمال قد طرح أغنيته الجديدة "جي بي أس" على صفحته الشخصية بموقع الفيديوهات الشهير منذ ثلاثة اسابيع والأغنية من كلمات محمود طلعت وألحان أحمد العدل ومن توزيع ومكس وماستر أحمد حسام وإلهامي دهيمة.
وكلمات الاغنية :
"جايلك يا حبيبي بص
و في قلبي شوق فظيع
وقفلت ال GPS
علشان وياك اضيع
دور بينا في الشوارع
نرل حبه الأزاز
ده قمرنا لسه طالع
وعيونك دول لذاذ
الناس مكسلين وانا و انت سهرانين
نسمع مزيكا رايقه ونلف شمال يمين
جايلك يا حبيبي بص
و في قلبي شوق فظيع
وقفلت ال GPS
علشان وياك اضيع
الدنيا هس هس
والجو معاك خطير
ايوه هنسهر ونص
للصبح ده مش كتير
دور بينا في الشوارع
نرل حبه الأزاز
ده قمرنا لسه طالع
وعيونك دول لذاذ
الناس مكسلين وانا و انت سهرانين
نسمع مزيكا رايقه ونلف شمال يمين"
