بمعلومة تكشف للمرة الأولى، تم إستبدال الممثلة المصرية سهير البابلي، والتي كانت تؤدي شخصية "المعلمة" في مسرحية "مدرسة المشاغبين"، بالممثلة المصرية ميمي جمال لمدة 15 يوماً.
وكتب المؤلف والشاعر الغنائي أيمن بهجت قمر عبر حسابه الخاص كاشفاً الأمر، وقال: "اتفرجت على الفنانة الكبيرة حبيبتي ميمي جمال وهي بتحكي أنها مثلت دور سهير البابلي في مدرسة المشاغبين لمدة 15 يوم طبعا دي معلومة محدش يعرفها ولا شافها عشان كده أنا ههديها هدية أكيد هتفرحها ... صور من الكام يوم دول لقينهم عندي في مجلة قديمة".
وعن هذه المسرحية ومشاركتها بها، قالت ميمي جمال: "اشتغلت مع عادل إمام كتير لكن مشتغلتش معاه مسرح إلا كان في فترة كانوا بيعملوا "مدرسة المشاغبين" وكانت سهير البابلي في دور المدرسة وجات فترة عينيها تعبت ولازم تعمل عملية في باريس فـ"سمير خفاجة" الله يرحمه المؤلف قال إحنا كده هنقف 15 يوم أو نجيب حد مكانها، وقال لحسن مصطفى جوزي نجيب ميمي فحسن قاله لأ، أنت عارف الصيع اللي موجودين سعيد وعادل ويونس بيقولوا إفيهات لو هي ضيعت إفيه لحد فيهم هيبصلولي ويقولوا مراتك".