وضّح الفنان المصري تامر حسني موضوعاً مهماً للغاية حول أعماله ومنشوراته على صفحته الخاصة على موقع التواصل الاجتماعي، وقال إنه لا يربط أغانيه بحياته الشخصية.
وكتب: "ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده". وأضاف حول علاقته بطليقته وأم أولاده بسمة بوسيل : "رغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر".
وتابع: "تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا".
وختم: "ده لسة في أغاني توجع أوي نازلة قريب إن شاء الله.. كده مش هنزلها".
