علق الفنان المصري رامي جمال على التصريحات التي أطلقها مواطنه الفنان والملحن عمرو مصطفى بخصوص زملائه، منتقدًا طريقته واسلوبه .
وقال رامي:"في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش"؟
وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن". وتابع: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".
وعن تصريح لعمرو مصطفى قال فيه: "أنا المبدع والمطرب أداة"، رد رامي جمال: أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر.
ويذكر ان أغنية "وسط الوشوش"، هي أحدث أعمال رامي جمال وهي تتر مسلسل بنون، والأغنية وسط الوشوش من ألحان رامي جمال، توزيع وميكس وماستر إلهامي دهيمة، ويتعاون فيها مع الشاعر الغنائي مصطفى ناصر.
