بعد تصريحات طليقته ريم طارق التي أثارت الشكوك حول إمكانية وجود علاقة تربط مغني المهرجانات حسن شاكوش والممثلة المصرية حورية فرغلي، رد شاكوش عبر حسابه الخاص وأوضح حقيقة الأمر، وكتب: "جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هي عكس الحقيقة .
. وسكوتي وعدم ردي شئ مريحني أكثر من الكلام".
وأضاف: "ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية أحب أقول إن الفنانة حورية فرغلي لا يمسني بيها أي شئ غير أنها زميلة وصديقة عمل ومش فاهم سبب وجود سيرتها في الموضوع إيه من خلال البرامج. أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس.. أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي مع احترامي لكل الصحافة المصرية ولكن الأخبار الغير حقيقية دي بتضعف موقفكم في يوم من الأيام لما الحقيقة تبان. كل الاحترام والتقدير ليكي يا فنانة يا كبيرة وبعتذرلك مرة أخرى عن أي شئ اتحطيتي فيه".
