استذكرت الممثلة السورية سوزان نجم الدين أيامها الماضية، قاصدةً المكان الذي يحمل بعض ذكريات طفولتها مع الأهل والأصدقاء.
وأبدت سوزان شوقها لتلك الأيام التي خلت، حاملةً معها الراحة والسكينة، ولم تنكر أن الذكريات بقدر ما هي جميلة، إلا أنها تحمل العديد من الآلام لعدم قدرتنا على عيشها مرة أخرى، وقالت: "شو حلوة الذكريات اللي بتبقى مرافقتنا من الضيعة..لمّة العيلة والأهل والأحباب بجو ساحر مليان حبّ وفرح وهوا نضيف ومي عذبة باردة من نبع الدريكيش اللي ربيت فيها وحواليها.. وكل مابروح لهونيك بتنط الطفلة سوزان من جواتي وبتسترجع الزمن وكأنو مبارح.. بتلعب وبتتشاقى.. بتتمشى عالكورنيش وبالطرقات.. وبتزور المدرسة والذكريات..
وكلّ الأماكن وكأنّوا ماغادرتا.. ياالله شوحلو هالإحساس وشوبوجّع بنفس الوقت لإنو خلص..ماضل منو إلّا الذكرى.. وبرجع بقول.. ماتزعلي.. مالحياة كلّا حتبقى ذكرى.. ونيالوا اللي بيترك ذكرى حلوة تسعد غيروا..وإنتو.. كيف كانت ذكرياتكن بضيعكن أو طفولتكن احكولي".
يُشار الى أن آخر أعمال سوزان كان مسلسل "مربى العز" الى جانب الممثل السوري عباس النوري، أمل عرفة، نادين خوري، محمود نصر، وفاء موصللي وخالد القيش.
