وجهت الفنانة السورية أصالة رسالة للجمهور التركي، بعد حفلها المميز في إسطنبول.
وكتبت أصالة: "كانت ليلة مبارح بإسطنبول ليله من ألّف ليله وليله .. كانت حلمّ عشناه حقيقه صوتي وصلّ لأعلى وأحلى نقطه براسي حتّى فصلت عن الواقع بس مو لحالي فصلت أنا وكلّ الشباب والصبايا والصغار أخدت بإيدهم ورحنا أحلى مشوار .. الوجوه مبارح كلّها شغف وشوق وحُبّ وجمال وكانت من حلاوة الموجودين صار الشوف دقيق وملامح كلّ الوجوه انطبعت بروحي ومابتخيّل ممكن أنسى هالوجوه .. وقفت بلحظه أمسك حالي عن بكا كان ممكن مايوقف لمّا أصوات الشباب عليت وهنّن عم يقولوا أحلى إسم بقلبي ( سوريا) خفت أضعف خفت أبكي خفت ماأعرف كمّل ومتل طفله قويّه بدها تكمّل اللي اتوجدت مشانه غلبت دموعي وكمّلت .. شكراً على السّعاده اللي غمرتني أمان وفرح ورجعتني لأهلي أسمع لحن لهجتنا وشوف منّ كلّ بلد عربي شبّ وصبيّه قدّ مافرحوا فيّي أنا فيهم فرحت .. شكراً ياأصحابي الأوفيا ياأخواتي الغالين على هالزّينه الحلوه اللي علّقناها مبارح بليلتنا على روح من الحزن تعبانه وقلب من البعد موجوع .. لقاءنا دائماً غير على محبه صفائها انساني ما بتعرف غير لغة وحدة لغة الحب والموسيقى".
وقد أحيت أصالة نصري حفلاً غنائياً ضخماً في مدينة إسطنبول التركية مساء أمس الجمعة في مركز مؤتمرات هاليج بإسطنبول، وسط حضور المئات من محبي وجماهير وعشاق الفنانة السورية أصالة من مختلف الأعمار. كما إنتشر العديد من مقاطع الفيديو لأصالة من الحفل وهي تغني مع الجمهور بباقة متعددة من أغانيها ومنها أغنيتها الشهيرة التي تحمل عنوان " مبقاش أنا " وشكل الجمهور نوع من فرقة الكورال معها.
خلق هذا النوع من الإنسجام بين الفنانة أصالة والجماهير جو من الفرح والسعادة طغى في الحفل.
.jpg)
