أثارت الممثلة المصرية حنان شوقي الجدل بتصريحاتها، التي نعتها البعض بالـ "الغريبة"، عن إهتمام المرأة بزوجها وقالت: "زوجك لازم تعامليه زي ابنك، تلبسيه و تقصي أظافره و تلمعي جزمته قبل ما ينزل".
وبعد تعرضها للكثير من الإنتقادات خرجت عن صمتها وردت قائلة: "الست المفروض تحمي جوزها وتبوس رجله وهو يحميها ويبوس إيدها ورجليها، وأنا بقول كلمة حق، واللي بياخدوا بسخرية هما حرّين، ده حتى الأجانب بيعملوا كده مع بعض، هو للدرجة دي الكره نسّانا الاحترام والحب اللي بجد".
وأضافت: "الناس اللي بتقول إيه الهبل ده نفسهم يعيشوا الحالة دي ومش عارفين، أنا بقول حقيقة في الحياة وأقسم بالله أنا شفت أمي بتعمل كده مع أبويا وأنا عملت كده مع جوزي، والحكاية متبادلة مع بعض الاتنين بيحترموا بعض وبيشلوا بعض. ليه الناس مش قادرة تستحمل الحقيقة وجواهم عارفين إني بقول الحقيقة وعزة جلال الله كل الناس عارفة إني بقول الحقيقة، لكن اللي بيتكلموا عاشوا تجارب مريرة من أشخاص مريضة نفسياً والزوج يبوس إيد مراته ده بروتوكول الراجل مع الست".
وختمت حنان شوقي بالقول: "إحنا عاوزين ضرب نار يعني، دي حالة حب، ليه الناس مش متقبلة الحقيقة اللي بجد، ليه عاوزة تعيش حالة حرب من كتر الكذب والنفاق والرياء، ويتقال يا سلام أحميه لا اضربيه بالنار وهو يضربك بسكينة في قلبك وأول ما بيدخل برف المقشّة على دماغه وهو يديكي بالجزمة ده إحنا بقينا مجتمع مهلهل".
