ردت الفنانة السورية فرح يوسف على منتقديها وقالت: "رداً على بعض المتابعين اللي عم يحاولو ينتقصو مني كفنّانة: لو كان عن جد بدي .
. كنت بحقق نجاح لامثيل له فنياً لأني والحمدلله ربي عطاني كل المقومات اللازمة و زيادة كمان، بس مالقيت بيئة فنية صحيحة تحتضني، و لهالسبب كانت رح تكون فاتورة النجاح مش عادلة بحقي أبداً و انا مارح إدفعها".
وتابعت بمنشور كانت قد شاركته على صفحتها الخاصة على موقع التواصل الإجتماعي، والذي أرفقته بصورة لها: "لو اني لقيت صنّاع فن حقيقيين و إدارة فنية صحيحة و إعلام مُنصِف حقيقي بنّاء، و مجتمع فني نضيف و حقيقي خالٍ من الشلليّات و الموانة و النفاق و بالفعل كل اهتمامه منصب على بناء الفن العربي و فنانيه الحقيقيين بطريقة يحتذى فيها بالعالم كلو .. أكيد ما كنت سافرت و بعدت لأمريكا بعد ٦ أشهر فقط من نهاية برنامج آراب آيدل".
وأضافت: "٦ شهور كانت كفيلة انها تفرجيني انو انا مش ببيئة صالحة لأنمى فيها كفنانة و كإنسانة . بالعكس .. كانت كفيلة انها تأثر سلباً عليي نفسياً و تجعل مني إنسانة سريعة الغضب و غير قابلة للنقاش و لا على موازنة الأمور بالشكل المنطقي لفترة قصيرة .. ابتعادي كان أحسن خطوة عملتها بحياتي لحياتي".
