نشرت الممثلة اللبنانية ماغي بو غصن مقطع فيديو تجسد من خلاله دور السفيرة الإعلامية، التي تهدف إلى حماية الأطفال من العديد من وسائل العنف ضدهم.
وقالت ماغي: "لما صورنا المشهد التمثيلي بعد ما اتفقنا مع الإم وابنها على كل تفاصيله.. تقصّدت اتصرّف بشكل صادم وعفوي متل أي شخص ممكن يصادف هيك موقف.. تقصدنا نشوف ردة فعلكن ونتابع آراءكن..
الهدف الأول نلفت النظر لحوادث التعنيف اللي عم تمرق مرور الكرام.. ونقول إنّو بهيك مواقف لازم نتدخل لنحمي الضحية.. بس كمان لازم ننتبه إنه التدخل يكون متّزن وعقلاني.. وما نقابل العنف بعنف.. حتى اتجاه المعتدي.. كلنا بحاجة لنقرا ونتابع ونفهم كيف نتصرّف بهيك حالات.. وكلنا لازم نواجه حالات التعنيف والتحرّش والاغتصاب المتزايدة بمجتمعنا ونلجأ للقانون..رح حاول أنا وجمعية حماية نعمل خطوات جديّة تحمي مجتمعاتنا وأطفالنا.. ان شاء الله نقدر نعمل فرق..كل التقدير لتفاعلكن الكبير اللي خلق مساحات للنقاش بتعلّمنا وبتوعّينا.. بشكر كل الصحافيين المحترمين على الدعم.. وكل النجوم والزملاء اللي اتصلوا واهتموا يدعموا وينضمّوا للجمعية".
كلام ماغي جاء بعد أن كانت تصدرت الترند منذ أيام، بعد إنتشار مقطع فيديو لها، يدل على مدى إنسانيتها، وسعيها لمساعدة الأشخاص مهما كلفها الأمر، فقد تداول رواد مواقع التواصل الإجتماعي مقطع فيديو لماغي بو غصن، وهي تتعارك مع سيدة كانت تضرب وتعنف إبنها في الشارع على الكورنيش البحري في منطقة ضبية، وحاولت ماغي مساعدة الإبن بكل الطرق، وتخليصه من أيدي والدته.