تغزل الممثل اللبناني نيقولا معوض بزوجته وشارك الجمهور مجموعة صور عائلية تجمعه بها وبإبنتهما، معبراً عن حبه الكبير لهما.
وفي التعليق طلب نيقولا معوض من الجمهور عدم الإهتمام ومتابعة حياة المشاهير المثالية، لأن هذا فقط الظاهر منها على السوشيال ميديا، وقال: "لو شو ما صار، لو شو ما واجهنا، منواجهو ببَسمة، انتي بتواجهيه بِبَسمة.. بهالثقة انو الله مهَيمِن عاحياتنا ، انو هوّي الشافي، و انو لو قد ما صار صعب و قاسي الطريق ، انتي بأمان لأنّو هُوّي القبطان.
و كل يوم، عم بنغرم فيكي من أوّل و جديد لأن عم شوف كيف عم بتواجهي كل هالعواصِف بكلّ هالهدوء لأنّو عندِك كل هالإيمان.
حبّيت شارك هالشي اليوم كَتذكير انو كل شخص بتشوفوه عم بيصارِع.. كلنا عنّا صراعاتنا و مشاكلنا يلّي منحتفظ فيها لحالنا أو منشاركها مع أصحابنا المقرّبين.. و بما إنّو وسائل التواصل الإجتماعي فيها أوقات تكون خدّاعة ، بحسّ انّو واجبي تجاهكُم بيحَتِّم عليّي قلكُم انّو لو قدّ ما بيَّنِت حياتنا "كاملة"، لو قد ما أوقات بيَّنِت "حلم" للبعض منكُم، بالحقيقة عنّا صِراعات عم نواجِها، عنّا أمراض صعبة و قاسية عم نتخابَط معها و صعوبات كتير منحتفظ فيها لحالنا".