تحدثت الممثلة المصرية هالة صدقي عن سبب إبتعادها عن السينما وعن تقديم أعمال سينمائية في الفترة الماضية.
وقالت هالة: "كان لازم أركّز في السينما أكتر، أنا كنت سباحة وكل الأدوار اللي جيالي مايوهات والمخرجين بيستسهلوا، والمايوه بالنسبة ليا زي البنطلون لابساه وبتمرن بيه ليل نهار، ولما يقولوا هتلبسي مايوه؟ آه إيه المشكلة؟، لقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص. اللي اكتشفني سينمائيًا حقيقي عاطف الطيب، لأنه حطني في أدوار بعيدة خالص عني، وأول حاجة كان دور غجرية في فيلم قلب الليل، وبعدين فيلم الهروب مع أحمد زكي الله يرحمه، وكان لازم يتخططلي بعد كده هبدأ إزاي، وبسبب قلة الإدارة معرفتش أكملها. بعد ربنا كان لنور الدمرداش الفضل إنه اكتشفني ودعمني ووقف في ضهري، فالحقيقة الله يرحمه كان ملك الفيديو وكان علامة من علامات الدراما المصرية".
حديث هالة هذا جاء خلال حلولها ضيفة على برنامج "ضيفي" مع الإعلامي معتز الدمرداش.
