علقت الممثلة اللبنانية سارة أبي كنعان على إنتهاء عرض مسلسل "الثمن"، الذي أدت فيه دور "تيما"، وعبرت عن مدى أهمية هذا المسلسل في مسيرتها الفنية.
وشاركت سارة أبي كنعان الجمهور مجموعة صور ومقطع فيديو لختام المسلسل، وعلقت: "بتمنى تقروا للآخر … انا شخص ما بحب الوداع ومعروف عني قديش بتعلق بالناس والمواقف والاحلام والاشياء لو قد ما كانت بسيطة … مشان هيك هيدا البوست الاصعب علي اني نزلو لانو ما بدي قول باي لهيدي التجربة ولا لإلكن ولمحبتكن ولدعمكن بالذات …".
وأضافت: "للممثلين كلكن يعطيكن الف عافية كانت تجربة بتكبر القلب وعملت فرق بمسيرتنا جميعاً … اما انتو … ما رح اعرف عبر عن كمية الحب اللي حسستوني فيها … كممثلين ، فعلاً بلا دعمكن وبلا محبتكن ، ما منكون موجودين … الممثل ، بلا جمهور بقدر تعبهن وبعيش معهن ، ما شي … عشت معكن مع تعليقاتكن ، ضحكت على رسايلكن وبكيت معكن ، حبيتكن بلا ما اعرفكن شخصياً وعنجد صرت حس عندي عيلي كبيرة فيني شد ضهري فيها … انا يمكن عيّشت تيما بس انتو عطيطوها حقها وحقي !! بحبكن بحبكن كتير وما بدي قول باي بدي قول برجع بشوفكن قريباً … وترقبوا شي مهضوم لتيما وسارة بينزل بهالكم يوم".
