ردّت الفنانة الأردنية نداء شرارة على خبر عنوانه: "تذكرة حفل وائل كفوري في الأردن 450 دينار، والأردنية نداء شرارة 15 دينار.
.من المسؤول؟".
وقد علّقت نداء على الخبر، مشيرة الى انها هي المسؤولة عن سعر تذاكر حفلاتها، قائلة: "انا المسؤولة وانا اللي بطلب تكون اسعار التيكتات، بحفلاتي معقوله عشان كل الناس تقدر تحضر، ولو علي بخلي كل الناس تحضر ببلاش، انا بنت الاردنيين وهمه دعموني، كل انسان عندو هدف وانا هدفي ليس المال هدفي أفرحهم".
وأضافت: "وحفلاتي بالأردن ب استثناء المهرجانات، غالبا بتكون من تنظيمي لأني ما بقدر أغني بأي مكان ف بعمل حفلات بمسارح مرتبه وبرفض أرفع سعر التيكت عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي".
وتابعت كاشفة سراً عنها بالقول: "زمان قبل ما أكون بالفن كنت بحب أروح أحضر فنانين، بس ما كنت بقدر اشتري تيكتات اليوم بعرف الشعور، لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبيه مش مجرد حدا مشهور وخلص، والنظره المأخوذة عن الفنان الاردني انو مظلوم ياريت نغيرها أحنا برضو بس يكون عنا حفلات بأي بلد برا اسعار التيكتات بتكون مرتفعه وهاد مش بإيدنا لأنو بطبيعة الحال اي فنان رح يجي من برا تكلفته عاليه جدا على قائمين الحفل لذلك يتم رفع سعر التيكت".
وختمت: "أهلا بكل الفنانين اللي بتنورنا والله يديم علينا نعمة الامن والامان وتضل الأردن بخير وحب وفرح".
