تحدثت الممثلة المصرية نيللي كريم عن كواليس مسلسلها الجديد ليه لأ، وعن تفاصيل الدور الذي تلعبه في المسلسل.
وقالت نيللي كريم: "بلعب شخصية شيري وهى سيدة حقيقية موجودة في كل بيت، وتقوم بالتضحية من أجل ابنها الأكبر وتقع في أزمات عديدة من أجله إلا أنه يرى أنه راجل البيت ومن حقه التصرف بشكل فردي كونه أبنها الأكبر، ويحدث بينهما العديد من المواقف والأزمات. أزمة المسلسل أن الأم بتضحي بحاجات كتير جدًا علشان سعادة أولادها، وابنها بالتحديد لأن هنشوف تعامل الولد في الظروف اللي زي دي، خاصة أنه فاكر نفسه راجل البيت لأنه الولد، والأم بتحاول ترضيه بكل الأشكال ولكن هتيجي في نقطة بتقف وقفة مش عايزة حد ييجي عليها ولا هي تيجي على أولادها، وهنا نقطة التحول بتاعة المسلسل. راجل البيت دي كلمة كبيرة أوي وأحيانًا الناس بتستخدمها من غير ما تفكر، ودلوقتي في الزمن اللي إحنا فيه أو على الأقل العائلات اللي بشوفها حواليا الستات هي اللي بتبقى راجل البيت، الستات دلوقتي هي اللي بتشيل البيت والأولاد خاصة لما بيحصل حالة طلاق 99% من الأبهات مبيدفعوش الفلوس اللي عليهم وبيكونوا شايلين إيديهم حتى لو بيدفعوا بيدفعوا رقم ضئيل، فالست هي راجل البيت حاليًا".
