قررت الممثلة المصرية سماح أنور الإبتعاد عن مواقع التواصل الإجتماعي في الفترة المقبلة، وقالت إنها ستترك التواصل بينها وبين الجمهور من خلال الأعمال الفنية فقط.
وفي مقطع فيديو نشرته عبر حسابها الخاص، قالت: "في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش هيبقى متاح، ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي. بعتذر لكل الناس اللي منتظرة منى لايفات شخصية، ده مش هيكون موجود أو متاح أبدأ بعد كده لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا بتاعت السوشال ميديا، اللي هتابع معاكم فيها دائما اللي بعمله وبشاركم. وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة".
