تحدثت الممثلة المصرية حورية فرغلي بكل شفافية عن العديد من المواضيع في حياتها، خلال حلولها ضيفة على برنامج "صبايا الشمس" الذي تقدمه الإعلامية ريهام سعيد، وكشفت عن سبب تنازلها عن لقب ملكة جمال مصر: "لمَّا حصلت على لقب ملكة جمال مصر تنازلت عن التاج للوصيفة نور السمري لمَّا لقيتهم قالوا إني كسبت الجائزة علشان قمت برشوة لجنة التحكيم وارتباطي بوزير".
وتابعت: "لما قالوا ماشية مع ابن وزير والموضوع دخل في قصة أعراض وإني رشيت لجنة تحكيم ملكة جمال مصر قلت لأ مش عايزة الجائزة وإيه اللي يدخلني في الوَش وتشويه صورة عائلتي ليه".
وتحدثت عن ارتباطها بمسؤول إماراتي وسبب عدم إتمام الزواج: "أنا كنت هتجوز في 2002 حد مسؤول كبير في الإمارات بس مات قبل الفرح بيوم، بس قبل ما يموت لم يضِف لثروتي ولا جاب لي خيل، بس فيه هدايا كان جايبها لي لسة محتفظة بيها، وفي الحقيقة إني من وقتها لم أرتبط بأي شخص ولا دخلت في أي علاقة وما حدش أصلًا كان بيتقدم لي".
وعن زواجها الذي دام 3 أشهر، قالت: "أنا اتجوزت لمدة 3 شهور من ابن الإعلامي أحمد فراج/ واتطلقت بسبب الكلام اللي كان بيتكتب في الجرايد بسبب جائزة ملكة جمال مصر، بس إحنا أصحاب جدًّا لحد دلوقتِ، أنا اتطلقت منه قبل ما أدخل التمثيل".
