وجهت الممثلة المصرية بدرية طلبة رسالة قاسية اللهجة لأحد الأشخاض الذين انتقدوا أعمالها، واتهموها بإجراء العديد من عمليات التجميل لتظهر أصغر من سنها الحقيقي.
وشاركت بدرية مجموعة صور من أعمالها التي قدمتها خلال الفترة القادمة بين الموسم الرمضاني وخارجه، مع بعض إشادات الجمهور، وقالت: "يوم ما تعمل راجل تعمل علي أسيادك وأسياد أهلك، طب ماتزعليش ياحلوة بقي، والا بلاش خليها مفاجأة، ودي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا وان اسم الله عليها ال أتخضت لما شافتني في مسلسل الاجهر ورمضان كريم حاطة ميكب أوڤر واني بعمل تجميل علشان ابقي حلوة يمكن اعمل دور هانم ومش حيليق عليا علشان انا شكلي وصوتي شعبي".
واعتبرت بدرية أن من ينتقدها ليس بناقدٍ فني، إنما هو شخص يريد الشهرة على حسابها فق، فقالت: "طب يا لمصلحة مين الهري دا طب علقي على دور وحش عملته!! طب قولي حاجة انا غلطت فيها دا لو انت ناقد يعنى ولك الحق لكن يا الصور اللي انت حاطتها دي فعلا من مسلسل خليجى ومن ضيفة في برنامج في السعودية وصورة من مسرحية في السعودية ميكب خليجى يا عبوتس وكمان فيه حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها !! طب تجميل تجميل انت مال امك دانا بطلع في اي برنامج اقول اه عامله بس مش بالاڤورة اللي بتتكلمى عنها وبتتريقي وبتتنمري بيها عليا وتألف حاجات لدرجة ان المتابعين هجموك بال الا طبعا كام واحدة من متابعينك اللي شبهك ياحلوة اهدي علي نفسك اللي بيته من ازاز ميحدفش الناس بالطوب والا ايه".
وأخيراً، أكدت بدرية أنها لم ولن تحاول أن تظهر بسن أصغر، مشددرة على أن تفتخر بشخصياتها الشعبية، فأضافت: "يا أهبل اللي عايزة تحلي نفسها مش حتطلع تقول سنها وتحكي على احفادها وتعمل ادوار زي اللي بعملها انا بعمل اللي احافظ بيه علي شكلي وعلى نفسي ودا الست العاديه بقت تعملو والشعبية اللي مش عجباك شرف ليا انى معجبش واحد زيك برشوط على اي عشا وعلي اي سهراية وعلي اي صورة مع فنان تتفشخر بيها وكمان شوف بقي حاجة تانيه قولها علشان انا لسه زي مانا العالم كله بيحبنيي ومحدش اخد ولا يقدر ياخد مكاني بدرية طلبة ملكة الكوميديا في مصر والوطن العربي غصب عنك وعن اللي زقك وعن اللي شبهك".
